Content
Plattdeutsch Startseite
Hartlich Willkomen up de plattdüütsche Siet von de Samtgemeen Hambargen!
Ick frei mi, dat Se den Weg up use plattdüütsche Siet funnen hebbt. De platt-düütsche Spraak speelt bi us in de Samtgemeen von siether eene grode Rull - dooröber bin ick bannig froh. Um de Spraak ok in Tokunft to plegen un to fördern, hebbt wi düssen Bereich inricht. Nu schall man nich vermood ween, hier eene 1 to1 Öbersettung von den hochdüütschen Internetuptritt to finnen. Dit schall veelmehr eene Plattform upwiesen, an de Se upfordert sünd, dorbi mittomoken un se mittogestalten. Dat is liekerveel, ob Se eene lütte Geschicht, Döntjes up platt, een Rezept oder wat ganz anners weet oder hebbt; ick roop alle ton mitmoken up! Dat wull mi düchtig frein, wenn Se sick bi us meldt. Helpt alle mit, us Arfdeel von de Olen to ehren un to bewohren!
Veel Höög up use plattdüütschen Sieten wünscht Jem
Joer Samtgmeendebörgermeister
Reinhard Kock
