hambergen.de

Samtgemeen Hambergen (Hambargen) - Ländlicher Charme up Moor un Geest

Gemeensom för eene moderne, leistungsstarke Verwaltung

Ganz im Norden von usen Landkreis Osterholz an´n Westrand von´t Düvelsmoor findt man de flächenmäßig tweetgröötste Gemeen ut´n Landkreis Osterholz - de Samtgemeen Hambergen.
As de Gebietsreform besloten wöör, hett man 1974 de Gemeenen Axstedt (Ax), Hambergen (Hambargen), Holste, Lübberstedt (Lübbs) un Vollersode (Vollerso) tosomen leggt. Benömt wor se no de an Inwohnern gröötste Gemeen. Um de Verwaltungskraft to steigern, hebbt de eenzelnen Gemeenen Upgaven an de Samtgemeen överdragen. Dat wöörn u.a. de Brandschutz, de Trägerschaft von de allgemeenbildenden Scholen, de Upstellung von Flächennutzungsplänen un de Utbau un de Ünnerhaltung von öffentlichen Inrichtungen, wi ton Bispill dat Hallenbad un de Bökerree. De Samtgemeen is Träger von de Kooperative Gesamtschool in Hambergen sowie de Grundschool in Hambergen, Axstedt, Ströhe un Wallhöfen.
Een grotes Deel an kommunaler Selbstverwaltung bleev bi de eenzelnen Gemeenen. Se sünd egenverantwortlich för de Angelegenheiten von de örtlichen Gemeenschaften, wi ton Bispill Kinnergordenplätze, Straten- un Wegebau, de Upstellung von Bebauungsplänen, de Erschließung von Gewerbeflächen, den Umweltschutz un de opene Jugendarbeit. Se ward ünnerstützt dör den Jugendpfleger von de Samtgemeen. De Mitgliedgemeenen hebbt egene Gemeenderäte, de sick ehrenamtlich verwaltet. Se stellt ok ehre egenen Huushaltspläne up. De Samtgemeen helpt natürlich sofort, wenn dat mol irgendwo kniepen deit.

Dat ansprechende Gebäude von de Samtgemeenverwaltung steiht in zentraler Lage an´ne B 74 in Hambergen. De beiden Mitgliedsgemeenen Axstedt un Vollersode hebbt egene Verwaltungsstellen

Wohnen un arbeiten in ländlicher Idylle

För alle fief Mitgliedsgemeenen is de Landwirtschaft siet jeher von grodem Bedüden. Groote ole Hoffsteern mit wunnerschönem Boombestand prägt dat Ortsbild. Ok wenn sick im Oberzentrum Bremen fast alle Industriebetriebe befinnen doot, kann man erfreut faststellen, dat sick Handwerks- un Dienstleistungsbetriebe stännig wieter entwickelt.
För de veelen Pendler, de in Bremen un Bremerhaven ehren Arbeitsplatz hebbt, hett man dör den Verkehrsverbund Bremen-Niedersachsen (Neddersassen) dat Angebot im öffentlichen Nahverkehr stännig verbetert. Von de Bohnhöfe in Oldenbüttel un Lübberstedt föhrt de Züge alle Ogenblicke. De Samtgemeen hett im Johr 1996 för beide Bohnhöfe Park-and-ride-Anlagen inricht. Am Weekenend bringt de VBN-"Nachtschwärmer" de meist jungen Fohrgäste sicker an ehren Zielort.
In de Gemeen stoht ´n barg schöner Bauplätze in ruhiger Laag to Verfügung. Attraktiv is dat för junge Familien, de eene sehr gode Infrastruktur vörfindt. Nich bloot dat stännig grötere Angebot an Möglichkeiten wi Intoköpen, veelerlei Dienstleistungen un Freizeitinrichtungen in Anspruch to nehmen hölt man vör, ganz besonners hoch is de Stellenwert för Kinnerbetreuung. In de Samtgemeen giv dat fief Kinnergorns eenen Speelkreis un eene Kinnertagesstätte, de sick in Vereensträgerschaft befindt.
De Flächennutzungsplan is 1997 nee upstellt worrn. Dorbi hett man groden Wert up Erhalt der Schönheiten von Natur un Landschaft leggt, denn hier hett de Samtgemeen eniges antobeden.

Erholung vör de Huusdöör

Wunnerschöne, von Wallhecken un Boomregen umsümte Weidelandschaften, Geestkuppen as se typisch för de Landschaft sünd un grode Flächen mit Moor an beide Sieden von Hamme un Beeke, beedt all Inwohner un ok Besöökerst
Ansichten un Ogenblicke, de man nich woller vergitt.
Öber 10 % von de Fläche der Samtgemeen sünd intwüschen ünner Schutz stellt. Een dichtet Nett von Wanner- un Radwannerwegen erslutt düsse wiede Kultur- un Naturlandschaft anne Kant von´t Düvelsmoor.
Allerwegen findt man Spuurn von de Siedler ut fröhere Tieden. Veele prähistorische Funde up den Geestrücken wiest dorup hen, wie de Besiedlungsgeschichte stattfunnen hett. De „Umwelt- un Vorgeschichtspfad Seemoor" giv interessante Inblicke in düsse Tied. Lebennig ward dat allens in de Ströher (Ströh´) Museumsanlage. Hier hett man no historischem Vorbild eene Moorkate un een Museum upbaut, dat jedereen Inblicke in dat harte un entbehrungsrieke Leven von de Moorbuurn wiest. Jedet Johr im September findt hier de „Handwerkertage" statt, wo langen vergetene Handwerkerkünste to bewunnern sünd. In Lübberstedt (Lübbs) giv dat noch de eenzige vull funktionsfähige „Durchfahrtsholländer-Windmühle" up de Osterholzer Geest, de ok besichtigt weern kann, wenn man sick vörher anmeldt. Een Vereen kümmert sick um de Restaurierung un Erhaltung von dit Kleinod.

Mit Engagement för Sport un Kultur...

De eenzelnen Gemeenen hebbt sick alltieds dorvör insett, dat de dörfliche Charakter bewohrt blivt. So is dat nich verwunnerlich, dat hier besonners de örtlichen Vereene dat öffentliche Leven bestimmt. De eenen sorgt dorvör, dat ole Traditionen von´t Landleven nich verlor´n goht un lebennig blievt, annere sünd bestrevt, dat de Geselligkeit nich to kort kummt, un woller annere mookt de Samtgemeen öber de Grenzen dör Meldungen un Erfolge von Mannschaften bekannt. Um sick sportlich fit to holen, giv dat teihn Footballplätze, twee Sportplätze, veer Sporthallen, Golfanlagen, Riederplatz un Riedhalle, acht Scheetsportanlagen, dree Tennisanlagen, een Segelflugplatz un een Hallenbad. Uterdem hett Hambergen eene grote Mehrzweckhalle för den Sport. Intwüschen findt dor ok veel beachtete, hochkarätige Kulturveranstaltungen statt.
Lütte Konzerte un Lesungen hebbt ünner´t Dack von´t Heimathuus ehren fasten Platz. Wietere Veranstaltungen von Kanu- un Radtouren, bit hin to thematischen Führungen un Wannerungen in´t Moor, füllt den riekhaltigen Veranstaltungskalenner. Höhepunkte sünd jedet Johr de farvenprächtigen Umzüge to de Erntefeste un de Wiehnachtsmarkt rund üm de Hamberger Kark. De Kursangebote von´ne Volkshochschool Osterholz-Scharmbeck/Hambergen/Schwanewede un de Kreismusikschool sowie Lesungen in de Bökeree, de sick besonners an de Jugendlichen wennt, rund dat Kultur- un Bildungsangebot aff.